Autoras medievais
Na materia de Lingua Castelá, o alumnado de 3.º de ESO realizou un traballo de investigación sobre mulleres escritoras da Idade Media, co obxectivo de coñecer e dar visibilidade ás súas achegas á historia da literatura.
A partir deste proceso, elaboráronse paneis expositivos nos que se recolle información sobre diferentes autoras, combinando contidos biográficos, referencias ás súas obras e elementos visuais que facilitan a comprensión e fan a exposición máis atractiva.
O traballo permitiu achegarse a figuras como Leonor López de Córdoba ou Teresa de Cartagena, favorecendo unha reflexión sobre as dificultades ás que tiveron que enfrontarse as mulleres ao longo da historia para acceder á creación literaria.
Os materiais resultantes foron expostos nun espazo común do centro, permitindo a súa difusión entre a comunidade educativa e poñendo en valor o traballo desenvolvido polo alumnado.