Donas de Si
Mulleres referentes, xeracións conscientes
Que é o proxecto "Donas de Si"?
O programa "Donas de Si" ten como obxectivo principal a visibilización e posta en valor da participación e produción das mulleres como pezas fundamentais na configuración e no desenvolvemento da sociedade galega contemporánea. Preténdese recoñecer o seu papel político, social, artístico, científico e cultural, superando a visión tradicional que presentaba as súas achegas como puramente anecdóticas ou secundarias.
Para conseguilo, propón realizar unha aproximación de conxunto, que teña en conta a variable de xénero, a figuras relevantes —especialmente aquelas esquecidas ou ocultas— da nosa historia, co fin de construír e divulgar a memoria histórica feminina de Galicia.
O noso proxecto no instituto:
No noso centro educativo participamos activamente no programa “Donas de Si”, desenvolvendo un proxecto colaborativo que combina investigación, creatividade e compromiso social.
A través das diferentes seccións desta web, recollermos o traballo realizado polo alumnado e profesorado para dar visibilidade ao papel das mulleres na sociedade e reflexionar sobre a igualdade desde diferentes perspectivas.
Actividades culturais e artísticas
Aquí recóllense propostas que unen arte, literatura, música e outras manifestacións culturais cunha mirada igualitaria. Trátase dun espazo para descubrir, reinterpretar e celebrar a creación artística feita por mulleres, ao tempo que se fomenta a expresión creativa do propio alumnado.